|
 Xermolos
A Fundación O Noso Lar nace con vocación de servicio á xente da nosa terra, como froito dunha Misión Compartida por dúas comunidades de relixiosas, tres curas e os propios veciños das parroquias do concello de Samos. Este traballo conxunto é o que nos alenta nas dificultades ademais de posibilitar un servicio dirixido a integrar tódolos sectores da poboación, fomentando a solidariedade e convivencia interxeracional. Xorde do desexo de integra-la fe e a vida, de vivi-lo anuncio da Palabra e o compromiso social coma unha esixencia e ó mesmo tempo unha resposta da fe.
Nace como resultado dun proceso, que comenzou no ano 1988, e como resposta a unha situación concreta. Os valores da hospitalidade, da xenerosidade e gratuidade das xentes destes pobos, facilitaron e estimularon, en todo momento, a comunicación e o diálogo. Pilares fundamentais de calquer proceso comunitario. Un proceso no que a forza do Evanxeo preséntase como o elemento dinamizador de toda a tarefa que se realiza e se promove.
En todo este contexto, e como froito da interacción de todos estes factores, nace a Fundación O Noso Lar co obxectivo prioritario da atención integral á poboación rural, marxinada ou en estado de necesidade, e de maneira particular á terceira idade. Asimesmo pretende a animación e revitalización dos núcleos rurais de todo o Concello de Samos.
|
Volver