O logotipo da Fundación O Noso Lar é unha vieira, que significa que pola súa zona de actuación pasa o Camiño de Santiago. No seu interior figura unha cacharela, para facer referencia aos fins da Fundación: cálida e agarimosa acollida ás persoas que viven en soedade e fomento da convivencia en harmonía entre todos. A cuncha leva inscrito pola beira a frase ó servizo da xente da nosa terra, que é o lema da Fundación e indica a súa actitude fundamental.